Քիմիայի բնագավառում 2026 թվականի Նոբելյան մրցանակին արժանացել են ֆրանսիացի Անրի Կագանը և ճապոնացի Կենսո Սոաիին, այսօր Ստոկհոլմում հայտարարել է Նոբելյան կոմիտեն:
Երկու գիտնականներին մրցանակը շնորհվել է մոլեկուլային հայելային պատկերի ստացման վաղեմի խնդիրը լուծելու համար՝ հայտնագործություն, որը չափազանց կարևոր նշանակություն ունի դեղագործական արտադրության համար, ասված է հաղորդագրությունում:
Քիմիայի մրցանակը Նոբելյան շաբաթվա ընթացքում ավանդաբար երրորդն է շնորհվում: Նախորդ երկու օրերին հայտարարվեց ֆիզիոլոգիայի ու բժշկագիտության և ֆիզիկայի ոլորտներում մրցանակների շնորհման մասին:
Նոբելյան մրցանակի դրամական պարգևը 12 միլիոն շվեդական կրոն կամ 1.2 միլիոն դոլար է, որը բաժանվում է դափնեկիրների միջև, եթե նրանք մի քանիսն են: