Flydubai ավիաընկերության չվերթի ժամանակ տեղի ունեցած միջադեպից հետո Իսրայելի վարչապետ Բենիամին Նեթանյահուն Ազգային անվտանգության խորհրդի (ԱԱԽ) ղեկավար Շմուել Բեն-Էզրային հանձնարարել է անվտանգության տեսուչ նշանակել Իսրայել թռչող օտարերկրյա ավիաընկերությունների համար, հայտնում է վարչապետի գրասենյակը։
«Նեթանյահուն Ազգային անվտանգության խորհրդի ղեկավարին հանձնարարել է նշանակել տեսուչ՝ Իսրայել թռչող օտարերկրյա քաղաքացիական ավիացիայի անվտանգության բոլոր ասպեկտների մանրակրկիտ վերանայում անցկացնելու համար», – ասվում է հայտարարության մեջ։
Սեպտեմբերի 30-ին վարչապետի գրասենյակից ՏԱՍՍ-ի թղթակցին հայտնել են, որ Նեթանյահուն հրամայել է ուժեղացնել անվտանգության միջոցառումները դեպի հրեական պետություն թռչող բոլոր չվերթների, այդ թվում՝ օտարերկրյա չվերթների համար։