Եմենի կառավարությունը հայտարարել է Իրանի կողմից աջակցություն ստացող հուսիսների դեմ լայնածավալ ռազմական գործողությունների մեկնարկի մասին։
Ինչպես հաղորդում է Reuters-ը , այս մասին հեռուստատեսային ուղերձում հայտարարել է Եմենի նախագահական խորհրդի նախագահ Ռաշադ ալ-Ալիմին։
Ալ-Ալիմին նշել է, որ գործողությունների նպատակն է վերադարձնել հուսիների վերահսկողության տակ մնացած տարածքները և վերականգնել պետական իշխանությունը ամբողջ երկրում։ Նա հայտարարել է, որ լարվածության թուլացման բոլոր միջոցները սպառվել են։
Եմենի առաջնորդը հրամայել է զինված ուժերին և անվտանգության կառույցներին սկսել ռազմական առաջադրանքների կատարումը՝ համաձայն հաստատված պլանի։
Reuters-ի տվյալներով ՝ Սաուդյան Արաբիան, ենթադրաբար, կգլխավորի օդային գործողությունները, մինչդեռ Եմենի կառավարական ուժերը կանցկացնեն ցամաքային մարտեր։ Միացյալ Նահանգները հետախուզական աջակցություն է ցուցաբերում Ռիադին։
Միևնույն ժամանակ, հուսիները պնդում են, որ բալիստիկ հրթիռներով և անօդաչու թռչող սարքերով հարձակվել են Սաուդյան Արաբիայի «Արամկո» նավթային ընկերության օբյեկտների վրա Ռիադում և Խուրայս շրջանում: Սաուդյան Արաբիան դեռևս չի հաստատել այս պնդումը:
Վերջին շաբաթներին հուսիները ամրապնդել են իրենց դիրքերը ռազմավարական նշանակություն ունեցող Բաբ էլ-Մանդեբի նեղուցում և առաջխաղացել Թաիզի մոտակայքում։