Վաշինգտոնը և Պեկինը կարող են համաձայնության գալ այն ոլորտներում, որտեղ արհեստական բանականության (ԱԲ) տեխնոլոգիաները չպետք է օգտագործվեն, այս կարծիքը հայտնել է ԱՄՆ ֆինանսների նախարար Սքոթ Բեսենթը Axios-ին տված հարցազրույցում։
«Կարծում եմ՝ մենք կարող ենք համաձայնության գալ այն մասին, թե մոդելները ինչ չպետք է անեն», – ասել է նա՝ անդրադառնալով ԱԲ-ի մոդելներին։ Նախարարը նաև պաշտպանել է ԱՄՆ-ի և Չինաստանի միջև ԱԲ-ի հետ կապված հարցերի վերաբերյալ «որոշակի ծանուցման գործընթացի» անհրաժեշտությունը։ Նա վստահություն է հայտնել, որ Պեկինը կհամաձայնվի դրան։
Երբ Բեսենթին հարցրել են, թե արդյոք նա կարծում է, որ նպատակահարմար կլինի, որ երկու երկրները տեղեկատվություն փոխանակեն իրենց կողմից մշակվող ԱԲ մոդելների հնարավորությունների վերաբերյալ, նա պատասխանել է. «Հավանաբար՝ ոչ»։