Flydubai-ի Դուբայ-Թել Ավիվ չվերթի միջադեպի վերաբերյալ ԱՄԷ գլխավոր դատախազի գրասենյակի կողմից անցկացված նախնական հետաքննությունը պարզել է, որ դա ահաբեկչական հարձակման փորձ է եղել, հաղորդում է ԱՄԷ պետական WAM լրատվական գործակալությունը։
«ԱՄԷ գլխավոր դատախազ Համադ Սաիֆ ալ-Շամսին հայտարարել է, որ Flydubai FZ1073 չվերթի միջադեպի հետաքննությունը պարզել է, որ երկրորդ օդաչուն փորձել է ահաբեկչական գործողություն կատարել», – հաղորդել է պետական գործակալությունը։
Չորեքշաբթի օրը Դուբայից Թել Ավիվ թռչող FlyDubai ավիաընկերության ինքնաթիռը արտակարգ իրավիճակի մասին ազդանշան է տվել և արտակարգ վայրէջք կատարել Սաուդյան Արաբիայում: Ավելի ուշ ավիաընկերությունը հաստատել է, որ թռիչքի ժամանակ օդաչուների միջև կռիվ է սկսվել: