Միացեալ Նահանգներու նախագահ Տանըլտ Թրամփ յայտնեց, թէ Միացեալ Նահանգներ Իրանի մէջ առաքելութիւնը մէկ օրուան մէջ աւարտած են, սակայն այդտեղ աւելի երկար ժամանակ մնացած են, որպէսզի իրենց յաղթանակը կարճատեւ չըլլայ:
Թրամփ վստահեցուց, որ Իրան երբեք հիւլէական զէնք պիտի չունենայ, եւ այլեւս նախապէս եղած վիճակին մէջ չէ եւ այժմ կ՛ուզէ համաձայնութիւն գոյացնել:
Թրամփ ըսաւ, որ Միացեալ Նահանգներու նախկին նախագահները պէտք էր շատոնց այս թղթածրարով զբաղէին:
Աղբիւր մը իրանեան ԻՐՆԱ լրատու գործակալութեան յայտնեց, որ իրականութեան չի համապատասխաներ «Պլումպըրկ»-ի այն պնդումը, թէ Իրան միջնորդներու ճամբով բանակցութիւններու ընթացքին ամերիկեան կողմին հիւլէական թղթածրարին վերաբերեալ առաջարկ մը ներկայացուցած է:
Նշենք, որ «Պլումպըրկ»` վկայակոչելով երկու աղբիւրներ, հաղորդած էր, որ Իրան առաջարկած է պատժամիջոցներու մեղմացման դիմաց Հիւլէական ուժանիւթի միջազգային գործակալութեան քննիչներուն իր հիւլէական կառոյցները խուզարկել արտօնել: