Բելառուսի նախագահ Ալեքսանդր Լուկաշենկոն կրկին փորձում է հաղթահարել երկրի միջազգային մեկուսացումը և վերականգնել կապերը Արևմուտքի հետ։ Այդ մասին գրում է Kyiv Independent-ը։
Լուկաշենկոյի վարչակազմի նկատմամբ արևմտյան պատժամիջոցներն ու դիվանագիտական ճնշումը զգալիորեն ուժեղացել էին այն բանից հետո, երբ Բելառուսը աջակցեց Ռուսաստանի՝ Ուկրաինայի դեմ պատերազմին։ Մասնավորապես, 2022 թվականին Ռուսաստանը Բելառուսի տարածքն օգտագործեց Կիևի ուղղությամբ ռազմական գործողությունների համար։
Այժմ, ըստ Kyiv Independent-ի, Մինսկի և Արևմուտքի միջև կրկին որոշակի շփման ուղիներ են ձևավորվում, ինչը կարող է վկայել Լուկաշենկոյի՝ Արևմուտքի հետ հարաբերությունները վերականգնելու հերթական փորձի մասին։