Ռուսական անօդաչու թռչող սարքը այսօր երկրորդ անգամ հարձակվել է Կիևի Հարավային կամրջի վրա, հայտնել է Կիևի քաղաքապետ Վիտալի Կլիչկոն։
«Անօդաչու թռչող սարքը հարվածել է Հարավային կամրջի երթևեկելի հատվածին։ Արտակարգ իրավիճակների ծառայությունները մեկնում են դեպքի վայր»,-Telegram-ում գրել է Կլիչկոն։
Ավելի վաղ՝ հինգշաբթի, Կիևի իշխանությունները հայտնել էին, որ անօդաչու թռչող սարքերը հարվածել են կամրջի հենարաններին։ Դեպքից հետո ժամանակավորապես դադարեցվել էր մետրոյի և ցամաքային հասարակական տրանսպորտի երթևեկությունը։
Կլիչկոյի վերջին թարմացման համաձայն՝ անօդաչու թռչող սարքի կամրջին բախվելու հետևանքով վնասվել են հենարանը, պաշտպանիչ ցանկապատը, ճանապարհային հատվածը և մետրոյի պաշտպանիչ բետոնե արգելապատնեշը։
«Մետրոյի մասնագետներն անջատում են մետրոյի գծերը։ Կամրջի վրա մետրոյի և ցամաքային հասարակական տրանսպորտի երթևեկությունը դադարեցվել է»,-հայտնել է Կիևի քաղաքապետը։