Անգլիական «Մանչեսթեր Սիթիի» ղեկավարներին սպառնում է մինչեւ 10 տարվա ազատազրկում ֆինանսական զեղծարարության համար, հաղորդում է The Sun-ը։
Պրեմիեր լիգայի անկախ հանձնաժողովը «Մանչեսթեր Սիթիին» մեղավոր է ճանաչել 2009/2010 – 2017/2018 թվականների 9 մրցաշրջանների ընթացքում ֆինանսական կանոնները խախտելու մեջ։ Ակումբին նաև սպառնում է հեռացում Պրեմիեր լիգայից։
Հանձնաժողովի հետաքննության արդյունքները կարող են հետաքրքրել նաև իրավապահ և հարկային մարմիններին։ Եթե հարուցվի քրեական հետապնդում, ակումբի ղեկավարությանը կներկայացվի մեքենայության վերաբերյալ մեղադրանք, որի համար նախատեսված է մինչեւ 10 տարվա ազատազրկում։
«Մանչեսթեր Սիթին» կարող է անկախ հանձնաժողովի եզրակացությունները բողոքարկել։