ՊԵԿ նախագահ Էդուարդ Հակոբյանի նախագահությամբ տեղի է ունեցել ՀՀ պետական եկամուտների կոմիտեի նախագահին կից հասարակական խորհրդի հերթական նիստը:
ՊԵԿ-հանրություն երկխոսության հիմքում մաքսային օրենսդրական նախագծերի ներկայացումն ու քննարկումն էր: Անդրադարձ է եղել նաև հարկային համակարգին, մասնավորապես, վարչարարության փոփոխություններին՝ կարևորելով փոփոխություններին ուղղված Խորհրդի անդամների և հարկ վճարողների առաջարկներն ու դիտարկումները։
ՊԵԿ նախագահը կարևորել է երկխոսության հարթակում արձանագրված ցուցանիշներին շարունակական անդրադարձը, հիմնավորված առաջարկների ներկայացումը, ինչպես նաև օրենսդրական նախաձեռնությունների համաձայնեցումը՝ Խորհրդի անդամների հետ։
Պետություն-հանրություն երկխոսության հարթակում կարևորվել է ներկայացված առաջարկների քննարկման և առկա խնդիրների հասցեական լուծումների ուղղությամբ համագործակցությունը՝ հարկային և մաքսային ոլորտների օրենսդրական կարգավորումների շարունակական բարելավման համատեքստում: