Աֆղանստանում Պակիստանի օդային հարվածների հետևանքով զոհվել է առնվազն ինը և վիրավորվել 11 մարդ, X-ում հայտնել է «Թալիբան» կառավարության խոսնակ Զաբիհուլլահ Մուջահիդը։
Նրա խոսքով՝ Պակիստանի ուժերը ռմբակոծել են Կունար և Հելմանդ նահանգները, որի հետևանքով զոհվել են խաղաղ բնակիչներ։
Մուջահիդը հավելել է, որ հարվածները նաև ավերել են երեք շենք։
Սեպտեմբերի 24-ին Աֆղանստանի արտաքին գործերի նախարարությունը կանչել է Քաբուլում Պակիստանի գործերի ժամանակավոր հավատարմատարին՝ Իսլամական Հանրապետության կողմից Ղանդահար, Հոստ և Պակտիա սահմանային նահանգներում օդային հարվածների պատճառով։