Իրանում առաջին անգամ ռազմական պատրաստության դասընթաց են անցկացրել «Janfada» («Զոհաբերություն հանուն Իրանի») կամավորական արշավի ընտրված կին մասնակիցների համար, հայտնում է Mehr-ը։
Դասընթացն անցկացվել է Թեհրանի Իմամ Հուսեյնի հրապարակում գտնվող մարզումային կենտրոնում։
Դասընթացը դարձել է առաջին նմանատիպ միջոցառումը «Janfada»-ին մասնակցող կանանց համար։ Իրանի իշխանությունները զարգացնում են ծրագիրը՝ ռազմական հակամարտությունների և արտակարգ իրավիճակների պայմաններում գործելու ունակ կամավորների թվի ընդլայնմանն ուղղված ջանքերի ֆոնին։