Երկրաշարժի էպիկենտրոնը գտնվել է Ալմաթի քաղաքից 254 կմ հարավ-արևելք։
Նարինկոլ գյուղում երկրաշարժի հաշվարկային ուժգնությունը կազմել է 2-3 բալ, իսկ Կեգեն գյուղում՝ 2 բալ։
Ղազախստանի ԱԻՆ-ից հայտնել են, որ մասնագետներն ուսումնասիրել են գետերի հուները, հիդրոտեխնիկական կառույցները, սողանքավտանգ և սելավավտանգ հատվածները։
«Զննության արդյունքներով՝ վնասներ չեն հայտնաբերվել, ներկայում նշված օբյեկտները գործում են բնականոն ռեժիմով։ Ավերածությունների և տուժածների մասին տեղեկություններ չեն ստացվել», — հայտնել են գերատեսչությունից։
Այսօր առավոտյան Ալմաթիում մի քանի ժամվա տարբերությամբ երկու երկրաշարժ էր տեղի ունեցել։