Միացյալ Նահանգները Մերձավոր Արևելքում խոցելի դիրքում է, և եթե նրանք ռազմական ագրեսիա իրականացնեն, ամբողջ տարածաշրջանը կհայտնվի ավելի մեծ հակամարտության մեջ, հայտարարել է Իրանի բանակի խոսնակ, գեներալ Մոհամմադ Ակրամինիան։
«Ամերիկացիները տարածաշրջանում ամենևին էլ բարենպաստ դիրքում չեն։ Եթե ԱՄՆ-ի համար ամեն ինչ լավ ընթանար, նրանք չէին փորձի փոխել իրավիճակը», – SNN-ը մեջբերել է ռազմական հրամանատարի խոսքերը։
Ակրամինիայի խոսքերով՝ Իրանի զինված ուժերը ավելի լավ են պատրաստված Վաշինգտոնի կողմից հնարավոր հարձակումներին, քան երբևէ։
«Մենք բարոյապես և հոգեբանորեն պատրաստված ենք, օպտիմալացրել ենք մեր սարքավորումները և մարտական գործողությունների մեջ ենք մտցրել նոր տեսակի զենքեր և սարքավորումներ։ Եթե թշնամին որոշի ագրեսիա իրականացնել, տարածաշրջանը կհայտնվի պատերազմի, անկայունության և բռնության մեջ ավելի խորը, քան նախկինում, և տարածաշրջանի երկրները կտուժեն ավելի շատ», – ընդգծել է նա։