26 Սեպտեմբերի 2026, 18:00
Ժամանակակից տեխնոլոգիաները, այդ թվում՝ արհեստական բանականությունը, էապես փոխում են հետախուզության և ռազմական ոլորտի աշխատանքը, սակայն չեն վերացնում մարդու դերը։ Այս մասին Alpha News-ին հայտնել է Ռուսաստանի Բարձրագույն տնտեսագիտական դպրոցի դոցենտ Ալեքսանդր Դորոնինը։ Նրա խոսքով՝ արհեստական բանականությունն ունակ է մշակել հսկայական ծավալի տվյալներ, բացահայտել օրինաչափություններ և գործողությունների տարբերակներ առաջարկել, սակայն վերջնական որոշումը շարունակում է կայացնել մարդը։
Դորոնինը խոսել է նաև ամերիկյան Palantir ընկերության հնարավորությունների մասին։ Ընկերության համակարգերը միավորում են տարբեր աղբյուրներից ստացվող տվյալները՝ արբանյակային պատկերներ, սոցիալական ցանցեր, ռադիոհետախուզության և այլ աղբյուրների տվյալներ՝ հնարավորություն տալով դրանք վերլուծել գրեթե իրական ժամանակում։
Միևնույն ժամանակ, փորձագետը նշել է, որ նման տեխնոլոգիաների արդյունավետությունն անմիջականորեն կախված է սկզբնական տվյալների որակից․ սխալ կամ հնացած տեղեկատվությունը կարող է հանգեցնել ոչ ճիշտ եզրահանգումների։