Իրանի իշխանությունները իրենց հաշվարկներում հաշվի չեն առնում ԱՄՆ միջանկյալ ընտրությունների ժամկետը. նրանք պատրաստ են համաձայնության գալ ցանկացած օրինական կառավարության հետ: Այս մասին հայտարարել է Իրանի նախագահ Մասուդ Փեզեշքիանը։
Fox News-ին տված հարցազրույցում նրան հարցրել են նոյեմբերյան ընտրությունների՝ Թեհրանի որոշումների վրա ազդեցության մասին։ Հիշեցնենք, որ 2026 թվականի նոյեմբերի 3-ին ԱՄՆ-ում տեղի են ունենալու միջանկյալ ընտրություններ, որոնց արդյունքներով կորոշվեն ԱՄՆ Կոնգրեսի երկու պալատների կազմը և նահանգային իշխանությունների ղեկավարները։
«Մենք դրա հետ կապ չունենք և մեր որոշումները չենք հիմնում ամերիկյան որևէ ընտրության վրա: Եթե ներկայիս ամերիկյան կառավարությունը, միջազգային իրավունքի շրջանակներում, ցանկանում է համաձայնության գալ, ապա խնդրեմ: Բայց եթե ոչ, ապա ի՞նչ տարբերություն կա մեզ համար, ընտրություններից առաջվա, թե հետոյի միջև», – ասել է նա։
Նա չի մանրամասնել, թե արդյո՞ք կարծում է, որ հնարավոր է ավարտել ԱՄՆ-ի և Իսրայելի կողմից սկսված ռազմական հակամարտությունը մինչև տարեվերջ:
«Մենք բացարձակապես չենք ուզում կռվել: Բայց մենք կպաշտպանվենք վճռականորեն։ Մենք պատերազմ չենք փնտրել: Մենք չենք ցանկանում այն շարունակել: Ամերիկան պետք է որոշի՝ արդյո՞ք ցանկանում է ավարտել այն, թե ոչ», – ասել է Փեզեշքիանը: