Մինչեւ 65 քկ կշիռի կարգին մէջ, հայ բռնցքամարտիկ Էլիդա Քոչարեան Հայաստանի հաւաքականին ապահովեց առաջին մետալը, Սոֆիայի (Պուլկարիա) մէջ տեղի ունեցող 2026-ի Եւրոպայի բռնցքամարտի ախոյեանութեան:
Քառորդ աւարտականին Քոչարեան նաք-աութի ենթարկեց իր ռումանացի մրցակից Անտրա Նիքոլեթան` երկրորդ ռաունտին:
Այս յաղթանակը եղաւ Էլիդայի երրորդ յաջորդական յաղթանակը` նախապէս յաղթելէ ետք Սպանիոյ եւ Ալպանիոյ իր մրցակիցներուն:
Էլիդա այսօր կը մրցի ռուս Ազալիա Ամինեւայի դէմ: Նշենք, որ տղոց քառորդ աւարտականի մրցումներուն հասած են նաեւ Դաւիթ Չալոյեան եւ Ռուտոլֆ Գարբոյեան: