«Օլիմպիակոսը» Հունաստանի առաջնության 5-րդ տուրում արտագնա խաղում դժվարին հաղթանակ է տարել «Լևադիակոսի» նկատմամբ։
Հանդիպումն ավարտվել է 1:0 հաշվով։ Միակ գոլը գրանցվել է ավելացված ժամանակում․ 92-րդ րոպեին Մանոլիս Սալիակասի գլխի հարվածից հետո։
Հայաստանի հավաքականի պաշտպան Նաիր Թիկնիզյանը «Օլիմպիակոսի» մեկնարկային կազմում էր և անցկացրել է ամբողջական հանդիպում, նաև մասնակցել իր թիմի գոլային գրոհին։
SofaScore-ը Թիկնիզյանի խաղը գնահատել է 7,0 միավոր։
Այս խաղից հետո Թիկնիզյանը միացել է Հայաստանի ազգային հավաքականին։