Բելառուսի նախագահ Ալեքսանդր Լուկաշենկոն իր և Բելառուսի ժողովրդի անունից շնորհավորել է Հայաստանի ժողովրդին ազգային տոնի՝ Անկախության օրվա առթիվ։ Ուղերձը հրապարակվել է Բելառուսի նախագահի կայքում:
Շնորհավորական ուղերձում ասվել է․
«Այս նշանակալի իրադարձությունը՝ ինքնիշխանության ձեռքբերման 35-ամյակը, խորհրդանշում է հայերի ձգտումը ազատ և ինքնուրույն զարգացմանն ու իրենց հարուստ մշակույթի պահպանմանը»,- ասվում է շնորհավորական ուղերձում։
Բելառուսի ղեկավարը նշել է, որ այսօր, երբ աշխարհը բախվել է լուրջ մարտահրավերների, ժամանակի փորձությունն անցած բարեկամական կապերն առանձնահատուկ արժեք են ստացել։
«Մինսկին և Երևանին միավորում են ոչ միայն պատմության ընդհանուր էջերը, այլև մարդկանց միջև անկեղծ համակրանքը, որն ամուր հիմք է բաց և կառուցողական գործընկերության համար»,- ընդգծել է նա։
Ալեքսանդր Լուկաշենկոն Հայաստանի ժողովրդին մաղթել է կայունություն և վստահություն վաղվա օրվա նկատմամբ։
«Թող յուրաքանչյուր տանը տիրեն համերաշխություն և ուրախություն»,- հավելել է Բելառուսի ղեկավարը։