Հայաստանի ֆութպոլի ֆետերասիոնը իր թեքնիք գործընկեր «Մաքրոն» ընկերութեան հետ ներկայացուց Հայաստանի ազգային խումբի նոր մարզաշապիկները:
Առանձնայատուկ ուշադրութիւն դարձուած է հայկական մշակութային ժառանգութեան: Շապիկին վրայ տեղադրուած են հայկական հնագոյն զարդագրութեան նմուշներ` ձեռագիրի ձեւաւորման աւանդութիւններով:
Տնային մարզաշապիկի (կարմիր) վրայ օգտագործուած են թռչնագիրի հայկական տառեր, մինչ օտար դաշտի վրայ օգտագործուելիք շապիկին վրայ տեղադրուած են զարդանախշեր, որոնցմով դարեր շարունակ զարդարուած եւ շրջանակուած են հայկական ձեռագիրները:
Այսպիսով, պատմական գեղարուեստական տարրերը ստացած են ժամանակակից արտայայտութիւն եւ դարձած ազգային հաւաքականի նոր տեսողական կերպարի մէկ մասը: