Երևանի Նորաձևության շաբաթ 2026-ը տեղի կունենա հոկտեմբերի 8–11-ը Երևանում՝ համախմբելով հայ և միջազգային դիզայներների, ոլորտի առաջատար մասնագետների, ազդեցիկ հյուրերի, համաշխարհային մեդիա ներկայացուցիչների և նորաձևության սիրահարների։
Այս տարի Երևանի նորաձևության շաբաթն անցկացվում է «Էրեբունի-Երևան» տոնակատարությունների օրերին, իսկ ծրագիրը կառուցված է «Վարդագույն քաղաք Երևան» գաղափարի շուրջ: Պաշտոնական բացմանը կներկայացվի «Հին աստվածներ. Էրեբունիից մինչև ժամանակակից Երևան» հատուկ նորաձևության և մշակութային ցուցահանդես Էրեբունի պատմահնագիտական արգելոց-թանգարանում և ամրոցում:
Կներկայացվեն ավելի քան 20 ցուցադրություններ, տեղի կունենան քննարկումներ, ցուցահանդեսներ, հատուկ ինստալյացիաներ։ Մասնագիտական կապեր կհաստատվեն՝ Երևանը դիրքավորելով որպես նորաձևության և ստեղծարարութ աճող կենտրոն Եվրոպայի և տարածաշրջանի խաչմերուկում։