Սէուտական Արաբիոյ «Փրօ լիկ»-ի 2026-2027 տարեշրջանի 6-րդ հանգրուանի մրցումներու ծիրին մէջ, ախոյեան Նասր 2-1 արդիւնքով պարտութեան մատնեց Ապհա խումբը:
22-րդ վայրկեանին 41 տարեկան Քրիսթիանօ Ռոնալտօ իր ասպարէզի 979-րդ կոլը նշանակեց` բանալով մրցումին հաշիւը:
58-րդ վայրկեանին Համտան նշանակեց Նասրի 2-րդ կոլը: 75-րդ վայրկեանին Նեպիլ Ֆեքիր նշանակեց Ապհայի միակ կոլը:
Նասր այս ձեւով միացաւ Հիլալ ու Քատիսիա խումբերուն եւ 15 կէտերով կը գրաւէ առաջին դիրքը: Հիլալ կոլերու չնչին առաւելութիւն ունի Նասրի վրայ, մինչ Քատիսիա կը գրաւէ 3-րդ դիրքը: Իթթիհատ 1 կէտով ետ կը մնայ Դ. դիրքին վրայ, մինչ Էդուարդ Սպերցեանի Ահլի ակումբը կը գրաւէ դասաւորման 9-րդ դիրքը 9 կէտերով: