Ռուսական հարվածների հետևանքով Ուկրաինայի Սումի և Նիկոլաևի մարզերում կան զոհեր և վիրավորներ։
Սումիում հարված է հասցվել «Մանուֆակտուրա» առևտրի կենտրոնի հարակից ավտոկայանատեղիին։ Տեղական իշխանությունների տվյալներով՝ զոհվել են 21-ամյա տղա և աղջիկ, մոտ 20 մարդ վիրավորվել է։ Տուժածների թվում դեռահասներ կան, մի քանի վիրավորների վիճակը ծանր է։
Նիկոլաևի մարզում ռուսական հարվածների հետևանքով զոհվել է ևս երկու մարդ, առնվազն 12-ը վիրավորվել են, նրանց թվում՝ մեկ տարեկան երեխա։ Վնասվել են նավահանգստային և քաղաքացիական ենթակառուցվածքներ, պահեստներ, փոստային բաժանմունքներ և բնակելի տներ։