Իրանի Իսլամական հեղափոխության պահապանների կորպուսը (ԻՀՊԿ) հայտնել է, որ իր հակաօդային պաշտպանությունը Հորմուզի նեղուցի մոտ խոցել է ամերիկյան MQ-1 Predator անօդաչու թռչող սարք, հաղորդում է իրանական IRIB պետական հեռուստաալիքը։
«MQ-1 անօդաչու թռչող սարքը խոցվել և ոչնչացվել է Բանդար Աբբասի երկնքում՝ հարավ-արևելյան շրջանի հակաօդային պաշտպանության ստորաբաժանումների կրակի արդյունքում», – ասվում է հայտարարության մեջ։
MQ-1 Predator-ը բազմաֆունկցիոնալ հետախուզական և հարձակողական անօդաչու թռչող սարք է, որը կրում է լազերային ուղղորդմամբ Hellfire հրթիռներ: Դրա թռիչքի շառավիղը 740 կմ է:
Ավելի վաղ ԻՀՊԿ-ն նաև հայտնել էր, որ Հորմուզի նեղուցում ամերիկյան ստորջրյա անօդաչու սարք է գրավվել՝ արգելված գոտի մտնելուց հետո։