Հզօր Հանրապետութիւն երեսփոխանական պլոքի անդամ Ժորժ Ատուան նշեց. «Այսօր փապուղիի վերջաւորութեան կը հասնինք շնորհիւ հանրապետութեան նախագահին ու վարչապետին: Ասիկա առաջին անգամն է, որ պետութիւնը կը վճռէ յանուն Լիբանանի խօսիլ, այլ պետութիւններ մեր երկրին անունով խօսելու փոխարէն»:
«Ալի Թահեր բարձունքներուն վերահսկողութեան մասին խօսակցութիւնները կարիքը ունին ստուգման, որպէսզի գետնի վրայ իրողութիւնները տեսնենք», ըսաւ երեսփոխանը:
«Արգելք չկայ սահմանի վերականգնման ու պետութեան ոտքի կանգնելուն շուրջ փոխըմբռնման ծիրին մէջ Իսրայէլի հետ թշնամանքին վերջ տալու», ըսաւ Ատուան:
«Խորհրդարանի նախագահ Նեպիհ Պըրրի կը շարժի երկու առանցքներու վրայ, որոնք են` պետութեան հետ, մասնաւորաբար ներկայ փուլին հանրապետութեան նախագահին հետ յարաբերութիւնը կանգուն պահել, եւ Հըզպալլայի հետ շիի-շիի բախում չունենալ», նշեց ան:
«Ամալ շարժումի տեսանկիւնը կուսակցութեան տեսանկիւնէն տարբեր է: Կ՛ուզենք, որ Պըրրին պետութեան բեռը թեթեւցնէ», յայտնեց Ատուան: