Ռուսիոյ արտաքին գործոց նախարարութեան բանբեր Մարիա Զախարովա յայտարարեց. «Պալթեան շրջանէն իր դէմ որեւէ թշնամական արարքի Ռուսիոյ հակադարձութիւնը կործանարար պիտի ըլլայ»:
Զախարովա մամլոյ ասուլիսի ընթացքին նշեց. «Պալթեան շրջանին մէջ զինուորական ու քաղաքական կացութեան նոր մագլցում արձանագրուելու պարագային, պէտք է անգամ մը եւս հաստատել, որ անխոհեմ հակառուսական նախաձեռնութիւններու հրահրիչներուն Ռուսիոյ պատասխանը վճռական պիտի ըլլայ: Անոնք պէտք է իմանան, թէ այդ պատասխանը իրենց համար կործանարար պիտի ըլլայ»: