01 Սեպտեմբերի 2026, 15:05
Նովոսիբիրսկում՝ «Հայկական գրքեր․ ձեռագրից մինչև մեր օրերը» ցուցահանդեսի շրջանակում, ներկայացվել է Հայ Առաքելական եկեղեցու Ռուսաստանի և Նոր Նախիջևանի թեմի առաջնորդ, արքեպիսկոպոս Եզրաս Ներսիսյանի հեղինակությամբ և օրհնությամբ հրատարակված գրքերի եզակի հավաքածուն։
Ցուցադրության մեջ առանձնահատուկ տեղ են զբաղեցրել ինչպես հայերենից ռուսերեն, այնպես էլ ռուսերենից հայերեն թարգմանությունները, որոնք ևս մեկ անգամ ընդգծել են Եկեղեցու դերը քրիստոնյա ժողովուրդների ազգային ինքնության ձևավորման գործում։
Այս համատեքստում առանձնակի ուշադրության է արժանի Սուրբ Գրիգոր Նարեկացու «Մատյան ողբերգության» ռուսերեն թարգմանությունը, որը հրատարակվել է արքեպիսկոպոս Եզրաս Ներսիսյանի նախաձեռնությամբ։
Ներկայացվել են նաև թեմի տարբեր տարիների տարեգրությունները, որոնք տեղեկություններ են պարունակում Մոսկվայի «Տապան» թանգարանի՝ Նովոսիբիրսկի թանգարանների և գրադարանների հետ համագործակցության մասին։