Ուկրաինան չպետք է կոնկրետ արդյունքներ ակնկալի, այդ թվում՝ ՀՕՊ համակարգերի մատակարարումներ, Իռլանդիայի «Դրուիդների հովիտ» հանգստավայրում ԵՄ պաշտպանության նախարարների ոչ պաշտոնական հանդիպման…
Ուկրաինան չպետք է կոնկրետ արդյունքներ ակնկալի, այդ թվում՝ ՀՕՊ համակարգերի մատակարարումներ, Իռլանդիայի «Դրուիդների հովիտ» հանգստավայրում ԵՄ պաշտպանության նախարարների ոչ պաշտոնական հանդիպման արդյունքներով։ Այս մասին նախարարական հանդիպման ժամանակ հայտարարել է ԵՄ դիվանագիտական ծառայության ղեկավար Կայա Կալլասը։ Նրա հայտարարությունը առցանց հեռարձակել է Եվրահանձնաժողովը, հայտնում է «ՏԱՍՍ»-ը:
«Սա ոչ պաշտոնական հանդիպում է, ուստի մենք այսօր որևէ կոնկրետ որոշում չենք կայացնում», – ասել է Կալլասը՝ պատասխանելով ուկրաինացի լրագրողների այն հարցին, թե արդյոք Կիևը կարող է սպասել ՀՕՊ միջոցների հատկացմանը հանդիպման արդյունքներով: