Տարեկան աշխատաժողովի շրջանակներում ԱԳՆ ղեկավար կազմը և արտերկրում դիվանագիտական ծառայության մարմինների ղեկավարները՝ նախարար Միրզոյանի գլխավորությամբ, այցելել են Հայաստան-Թուրքիա սահմանին «Ախուրիկ» անցակետ և Գյումրի-Կարս երկաթգծի «Ախուրյան» կայարան, հայտնում են ԱԳՆ-ից:
Անդրադարձ է կատարվել երկաթգծի վերականգնման և շահագործման կարևորությանը և այդ ուղղությամբ աշխատանքների ընթացքին։
«Ենթակառուցվածքների զարգացումն առանցքային է տարածաշրջանային փոխկապակցվածության ծրագրերում Հայաստանի արդյունավետ ներգրավման համար»,-ասված է ԱԳՆ տարածած հաղորդագրության մեջ։