Իրանի արտաքին գործոց փոխնախարար Քազեմ Ղարիպապատի յայտարարեց. «Օմանի հետ գոյացուցինք Հորմուզի նեղուցին շուրջ փոխըմբռնում մը, որ սակայն պիտի չգործադրուի, մինչեւ որ Ամերիկան իր խոստումները յարգէ»:
«Եթէ Ամերիկան իր յանձն առածները չգործադրէ, մենք աճապարուած չենք Հորմուզի նեղուցը բանալու», նշեց ան:
«Քաթարն ու Փաքիստանը աշխատանք կը տանին փոխըմբռնման յուշագիրի կէտերու գործադրութեան վերադառնալու կարելիութիւնը քննարկելու», աւելցուց Ղարիպապատի:
Իրանի արտաքին գործոց փոխնախարարը նաեւ նշեց. «Յստակացուցինք այն քայլերը, զորս Միացեալ Նահանգները պէտք է կատարեն փոխըմբռնման յուշագիրին վերադառնալու համար»:
Իրանի ներքին գործոց նախարարութիւնը յայտարարեց. «Մեր երկրին դէմ հաստատուած ամերիկեան շրջափակումը, 15 մերձակայ պետութիւններու գոյութեամբ, բացարձակ պիտի չըլլայ»: