Անգլիայի հավաքականի նախկին ֆուտբոլիստ և «Ինտեր Մայամիի» համասեփականատեր Դևիդ Բեքհեմը կարող է ներգրավվել ֆրանսիական «Նանտ» ֆուտբոլային ակումբի գնման գործարքում։
«Նանտի» սեփականատեր Վալդեմար Կիտան ակումբի գնման առնվազն երեք առաջարկ է ստացել, որոնցից երկուսը կապված են բրիտանական հիմնադրամների հետ։ Բեքհեմի անունը, ըստ աղբյուրի, բազմիցս հնչել է բանակցությունների ընթացքում, սակայն դեռ հստակ չէ, թե ինչ կարգավիճակով նա կարող է ներգրավվել հնարավոր գործարքում։
73-ամյա Վալդեմար Կիտան «Նանտի» սեփականատերն է 2007 թվականից։ Նրա կառավարման ընթացքում ակումբը երկու անգամ դուրս է մնացել Ֆրանսիայի Լիգա 1-ից՝ 2009 և 2026 թվականներին։
Ընթացիկ մրցաշրջանում «Նանտը» հանդես է գալիս Լիգա 2-ում և անհաջող է մեկնարկել՝ պարտվելով առաջին երեք հանդիպումներում ու զբաղեցնելով վերջին տեղը մրցաշարային աղյուսակում։ Այս շաբաթ ակումբը հեռացրել էր գլխավոր մարզիչ Միշել Տեր-Զաքարյանին։
Բեքհեմը ներկայումս «Ինտեր Մայամիի» համասեփականատերն է, ինչպես նաև մասնաբաժին ունի անգլիական «Սոլֆորդ Սիթիում»։
