Կալանքի տակ գտնվող «Բարգավաճ Հայաստան» կուսակցության առաջնորդ Գագիկ Ծառուկյանը հրաժարվում է քննչական մեկուսարանում ընտանիքի անդամների հետ տեսակցություններից, թեև դրանց համար որևէ սահմանափակում չկա, գրել է «Հրապարակ» թերթը՝ վկայակոչելով նրա փաստաբան Էմին Խաչատրյանին։
«Հարազատների համար տեսակցությունները բաց են, սակայն նրանք չեն այցելել, քանի որ Ծառուկյանն ինքը չի ցանկանում։ Նա իմաստ չի տեսնում, որ կինը, դուստրերն ու մայրը այցելեն քննչական մեկուսարան»,- հայտարարել է Խաչատրյանը։
Պաշտպանը քաղաքական գործչի առողջական վիճակը գնահատել է կայուն՝ նշելով, որ Ծառուկյանը պահման պայմաններից դժգոհություններ չի հայտնել։
