Հայաստանի երկրորդ նախագահ Ռոբերտ Քոչարյանի որդին՝ Սեդրակ Քոչարյանը կալանավորվեց երկու ամսով: Այս մասին լրագրողների հետ ճեպազրույցում հայտարարեց փաստաբան Ալեքսանդր Կոչուբաևը:
«Սահմանափակված է նաև նրա տեսակցությունների իրավունքը՝ բացառությամբ կնոջ և երեխաների: Գործ ունենք արտաիրավական հետապնդման հետ, նախ վաղեմության ժամկետները սպառված էին որոշ դեպքերում, որոշ դեպքերում մտացածին էին», – ասաց փաստաբանը:
Երեկ վաղ առավոտյան ԱԱԾ դիմակավորված անձինք մտել են երկրորդ նախագահ Ռոբերտ Քոչարյանի և նրա երկու որդիների՝ Սեդրակ Քոչարյանի և «Հայաստան» դաշինքի պատգամավոր Լևոն Քոչարյանի բնակարաններ։
Ռոբերտ Քոչարյանն ու Սեդրակ Քոչարյանն անմիջապես ձերբակալվել են, բերման են ենթարկվել Հակակոռուպցիոն կոմիտե, որտեղ նրանց մեղադրանքներ են առաջադրվել փողերի լվացման և կաշառք ստանալու հոդվածներով։