Երևանի քաղաքապետարանի նախաձեռնությամբ մեկնարկել է «Մոսկվա» կինոթատրոնի ամառային դահլիճը վերականգնելու և արդիականացնելու նախագիծը։ Նախատեսվում է ամբողջությամբ պահպանել բացօթյա դահլիճի նախնական, պատմական տեսքը։
Տարածքն ազատվել է ավելորդ կառուցապատումներից։
Այս փուլում իրականացվում են նախագծային նախապատրաստական աշխատանքներ, մասնավորապես՝ կառույցի տեխնիկական վիճակի համալիր հետազոտություն, որի միջոցով որոշվում են հիմքերի տեսակներն ու շենքի ընդհանուր սեյսմակայունությունը։
Ճարտարապետներ Սպարտակ Կնտեղցյանի և Թելման Գևորգյանի համահեղինակած այս ինքնատիպ կառույցը մոտ ապագայում, ավելի արդիականացված լուծումներով, խոստանում է կրկին դառնալ մայրաքաղաքի գլխավոր մշակութային կենտրոններից մեկը։