«ՀայաՔվե» ազգային-քաղաքացիական նախաձեռնության համակարգող Ավետիք Չալաբյանը ազատ է արձակվել դատարանի դահլիճից։ Օգոստոսի 21-ին Երևան քաղաքի առաջին ատյանի ընդհանուր իրավասության քրեական դատարանի դատավոր Դավիթ Բալայանը մերժել է հանրային մեղադրողի միջնորդությունը՝ Չալաբյանի նկատմամբ որպես խափանման միջոց կիրառված կալանքը երկարացնելու վերաբերյալ։
Դատարանը նաև որոշել է Չալաբյանի նկատմամբ որևէ այլ խափանման միջոց չկիրառել։
Չալաբյանը կալանավորվել էր հունիսին՝ երկու ամիս ժամկետով։