Իսրայելի պաշտպանության բանակը հարված է հասցրել պաղեստինյան ՀԱՄԱՍ շարժման ռազմական թևի երկու հրամանատարի, որոնցից մեկը մասնակցել էր 2023 թվականի հոկտեմբերի 7-ին հրեական պետության վրա իրականացված հարձակմանը. այս մասին հայտնել է բանակի մամուլի ծառայությունը։
«Իսրայելի պաշտպանության բանակի ուժերը հարված են հասցրել Գազայի հատվածի կենտրոնական մասում գտնվող ՀԱՄԱՍ-ի ռազմական թևի դասակի հրամանատարին, որը ներթափանցել էր Իսրայելի տարածք 2023 թվականի հոկտեմբերի 7-ի հարձակման ընթացքում։ Դրանից կարճ ժամանակ անց Իսրայելի պաշտպանության բանակի ուժերը հարված են հասցրել ՀԱՄԱՍ-ի հրամանատարին և նրան ուղեկցող այլ զինյալների՝ Դարաջ-Տուֆահի շրջանում», – ասվում է հայտարարության մեջ։
Մամուլի ծառայությունը նշել է, որ հարվածների իրականացումից առաջ միջոցներ են ձեռնարկվել քաղաքացիական բնակչության համար ռիսկը նվազագույնի հասցնելու ուղղությամբ։
Գազայի հատվածում 2025 թվականի հոկտեմբերից ի վեր գործում է հրադադար, սակայն իսրայելական բանակը շարունակում է հարվածներ հասցնել պաղեստինյան տարածքին՝ հայտարարելով, որ թիրախում ՀԱՄԱՍ-ի օբյեկտներն ու անդամներն են։