Յունաստանի արտաքին գործոց նախարարութիւնը բուռն կերպով դատապարտեց 15 օգոստոսին սուրիացի Նատեր Պուլոս Թաննուսի սպանութիւնը` կոչ ուղղելով շտապ հետաքննութիւն կատարելու եւ ոճիրին պաշտօնատարները հաշուետուութեան ենթարկելու:
Նախարարութիւնը նշեց, որ ոճիրը տեղի ունեցած է քրիստոնեաներու համար յատուկ կարեւորութիւն ունեցող օր մը` Ս. Աստուածածինի վերափոխման տօնին` շեշտելով. «Անհրաժեշտ է այս քստմնելի արարքին հեղինակները անմիջապէս արդարադատութեան յանձնել»:
Յունաստանի արտաքին գործոց նախարարութիւնը նաեւ կոչ ուղղեց` որդեգրելու նպատակաուղղուած եւ ազդու քայլեր` պաշտպանելու համար Սուրիոյ հասարակութեան բոլոր հատուածները եւ երաշխաւորելու անոնց ապահովութիւնը: