Մայր Աթոռ Սուրբ Էջմիածնում, Սուրբ Աստվածածնի Վերափոխման տոնի առիթով, հանդիսապետությամբ Ն.Ս.Օ.Տ.Տ. Գարեգին Երկրորդ Ամենայն Հայոց Կաթողիկոսի, տեղի է ունեցել Խաղողօրհնեքի ավանդական արարողությունը:
Սբ. Մարիամ Աստվածածնի Վերափոխման տոնը Հայ Առաքելական եկեղեցու 5 տաղավար տոներից 4-րդն է։
Տոնի առթիվ այսօր եկեղեցիներում կմատուցվի պատարագ, որից հետո օրհնվում է խաղողը։
Ըստ ավանդության՝ Քրիստոսի համբարձումից որոշ ժամանակ անց Գաբրիել հրեշտակն այցելել է Աստվածածնին և հաղորդել, որ շուտով նա վերստին կհանդիպի իր Որդուն։ Սուրբ Մարիամը բարձրացել է Ձիթենյաց լեռը, որտեղից համբարձվել էր Որդին, աղոթել է, ապա կանչել բարեկամներին և հրաժեշտ տվել։ Այդ գիշեր նրա հոգին բաժանվել է մարմնից։
Աստվածածնի վերափոխման տոնին հաջորդող օրը մարդիկ անմահության ավետիսը տանում են ննջեցյալների շիրիմներին։