Եմենի զինված ուժերը վերջին 24 ժամվա ընթացքում տարբեր ճակատներում 181 ռազմական գործողություն են իրականացրել «Անսար Ալլահ» (հութիների) շարժման դեմ, հայտնել է Եմենի՝ միջազգայնորեն ճանաչված կառավարության բանակի պաշտոնական ներկայացուցիչը:
«Վերջին 24 ժամվա ընթացքում զինված ուժերն իրականացրել են 181 ռազմական գործողություն՝ կիրառելով անօդաչու թռչող սարքեր, հրետանի և համազարկային կրակի ռեակտիվ համակարգեր՝ հարվածներ հասցնելով տարբեր ճակատներում տեղակայված հութիների ռազմական դիրքերին»,-մեջբերում է SABA եմենյան լրատվական գործակալությունը նրա խոսքերը։
Ըստ խոսնակի՝ հարվածների հետևանքով սպանվել կամ վիրավորվել են «Անսար Ալլահ»-ի տասնյակ զինյալներ, ոչնչացվել են տասնյակ տրանսպորտային միջոցներ, ինչպես նաև զենքի մի քանի պահեստ և այլ ռազմական օբյեկտներ։