Կրասնոդարի քաղաքապետ Եվգենի Նաումովը ծննդյան օրվա առթիվ շնորհավորել է քաղաքի պատվավոր քաղաքացի, բարերար Սերգեյ Գալիցկուն՝ ընդգծելով նրա ներդրումը մարզկենտրոնի զարգացման և բարեկարգման գործում։
Քաղաքապետը Սերգեյ Գալիցկուն մաղթել է քաջառողջություն և ուժ՝ բոլոր ծրագրերն իրականացնելու համար։
«Նա կրասնոդարցիներին երազանք նվիրեց, ոգեշնչեց զբաղվել սպորտով և ավելի շատ ժամանակ անցկացնել ընտանիքների հետ՝ մարզադաշտում կամ այգում։ Հազարավոր պատանի մարզիկների հնարավորություն ընձեռեց ֆուտբոլային կարիերա կառուցելու։ Նա ստեղծեց յուրահատուկ վայր և սեփական օրինակով ցույց տվեց, թե ինչպես կարելի է սիրել սեփական հայրենի քաղաքը։ Հավատում եմ՝ առջևում մեզ սպասում են համատեղ աշխատանքի տարիներ և դեռ շատ բարի գործեր»,- ասել է Նաումովը։