20:00 Լուրերը մեկ տողով. Երևանում բռնկված հրդեհից մինչև Լարսի ճանապարհի բացում

Անցած ժամվա լուրերը՝ հակիրճ և բովանդակային.

•Երևանի քաղաքապետարանի երկրորդ մասնաշենքի նկուղային հարկում հրդեհ է բռնկվել, որի հետևանքով տուժածներ չկան:

•Վրաց-ռուսական սահմանի «Դարիալի» անցակետում երթևեկությունը վերականգնվել է, և ճանապարհը բաց է բոլոր տրանսպորտային միջոցների համար:

•Ուկրաինան երրորդ կողմի միջոցով Ռուսաստանին առաջարկել է փոխադարձաբար դադարեցնել հարձակումները Սև ծովում քաղաքացիական թիրախների վրա:

•Իսպանիայի Սեուտա քաղաքում հազարավոր բնակիչներ բողոքի ակցիա են իրականացրել անօրինական միգրանտների զանգվածային հոսքի պատճառով:

•Իսրայելի Կենտրոնական ընտրական հանձնաժողովը վարչապետին կարգադրել է համացանցից հեռացնել երեխաների մասնակցությամբ նախընտրական տեսանյութը:

•ՖԻՖԱ-ի նախագահն աջակցում է աշխարհի առաջնության մասնակից հավաքականների թիվը մինչև 64-ի հասցնելու առաջարկին:

•Հայաստանի տարածքում և Երևանում առաջիկա օրերին սպասվում են կարճատև անձրևներ, ամպրոպ և քամու ուժգնացում: