19:00 Լուրերը մեկ տողով. Հզոր պայթյուն՝ Իտալիայի քաղաքներից մեկում. ՌԴ-ն պայմաններ է ներկայացրել

Անցած ժամվա լուրերը՝ հակիրճ և բովանդակային.

•Իտալիայի ռազմամթերքի արտադրության գործարանում խոշոր հրդեհին հաջորդել է հզոր պայթյուն, որի վայրում աշխատում են հրշեջները:

•Բնապահպանության և ընդերքի տեսչական մարմինը Երևանի շինհրապարակներում օդի աղտոտվածության խախտումների համար 1,7 միլիոն դրամի տուգանք է նշանակել:

•Հակակոռուպցիոն դատարանում նշանակվել է ընտրական հանցագործության գործով ձերբակալված պատգամավորի թեկնածուի կալանքի հարցով դատական նիստը:

•Հայաստանի և Ռուսաստանի գերատեսչական ղեկավարները քննարկել են հայկական գյուղատնտեսական արտադրանքի՝ ռուսական շուկա մատակարարումների վերսկսման պայմանները:

•Ռուսաստանի և Ուկրաինայի միջև Բելառուսի տարածքում տեղի է ունեցել քաղաքացիական անձանց և զոհված զինծառայողների մարմինների փոխանակում:

•Լիտվայում ՆԱՏՕ-ի չափանիշներին համապատասխանող զինամթերքի արտադրության նոր գործարան կկառուցվի:

•Ճապոնիայի և Ռուսաստանի միջև դիվանագիտական լարվածություն է առաջացել Կուրիլյան կղզիներ ՌԴ նախագահի կատարած այցի պատճառով: