Հայաստանում փոփոխվել է օտարերկրյա քաղաքացիների կողմից Հայաստանի Հանրապետության քաղաքացի հանդիսացող երեխաների որդեգրման կարգը։Համապատասխան որոշումն ընդունվել է օգոստոսի 13-ին կառավարության նիստում։Նո�…
Հայաստանում փոփոխվել է օտարերկրյա քաղաքացիների կողմից Հայաստանի Հանրապետության քաղաքացի հանդիսացող երեխաների որդեգրման կարգը։
Համապատասխան որոշումն ընդունվել է օգոստոսի 13-ին կառավարության նիստում։
Նոր կարգով Հայաստանի պետական մարմինները ստուգումներ կանցկացնեն նաև Հայաստանից դուրս բնակվող ՀՀ քաղաքացի երեխաների՝ օտարերկրյա քաղաքացիների կողմից որդեգրման դեպքերում։
Որդեգրման ենթակա երեխայի և նրան որդեգրել ցանկացող անձի վերաբերյալ ամբողջական տվյալները պետք է տրամադրվեն Արդարադատության նախարարությանը։
Այնուհետև ներկայացված տվյալների ուսումնասիրության և վերլուծության հիման վրա որդեգրման վերաբերյալ դրական կամ բացասական եզրակացություն կներկայացվի ՀՀ վարչապետի աշխատակազմ։