Իսպանիայի և Իտալիայի ներքին գործերի նախարարները, ներքին գործերի եվրահանձնակատար Մագնուս Բրուների հետ բանակցությունների ժամանակ, հաստատել են, որ փոխադարձ սահմանային վերահսկողությունը ժամանակավոր է, հայտարարել է Եվրահանձնաժողովի խոսնակ Գիյոմ Մերսիեն։
Նրա խոսքով՝ եվրահանձնակատարը նախարարներին հիշեցրել է Շենգենյան գոտու իրավական շրջանակը և այս առումով ընդգծել ԵՄ անդամ պետությունների միջև վստահության առաջնահերթությունը։
«Այս համատեքստում Իսպանիայի իշխանությունները վստահեցրել են, որ Սեուտայում տեղի ունեցած իրադարձությունները որևէ երկարաժամկետ հետևանքներ չեն ունենա Շենգենյան կանոնակարգերի համար։ Եվ նույնիսկ եթե այդ իրադարձությունները երկարաժամկետ լինեն, հանձնաժողովը կարծում է, որ Շենգենյան նորմալ ռեժիմը, այնուամենայնիվ, պետք է վերականգնվի», – երեքշաբթի օրը Բրյուսելում կայացած ճեպազրույցի ժամանակ ասել է մամուլի քարտուղարը։