Ադրբեջանի արտգործնախարար Ջեյհուն Բայրամովն աշխատանքային այցով ժամանել է Կիև։
Ուկրաինայի ԱԳ նախարար Անդրեյ Սիբիգան իր ադրբեջանցի պաշտոնակցի հետ բանակցությունների ավարտին հայտարարել է, որ Բայրամովի այցը նպաստում է Բաքվի և Կիևի միջև ռազմավարական համագործակցության ամրապնդմանը։
«Մենք բարձր ենք գնահատում Ադրբեջանի աջակցությունը՝ մասնավորաբար Ուկրաինայի էներգետիկ դիմադրողականության ամրապնդման և կարևոր ենթակառույցների վերականգնման հարցերում», – նշել է Սիբիգան։
Ուկրաինական դիվանագիտության ղեկավարը նաև ընդգծել է, որ պաշտոնական Կիևի քաղաքականությունը Ադրբեջանի հանդեպ մնում է անփոփոխ։ «Ուկրաինան հակված է Ադրբեջանի ինքնիշխանության և տարածքային ամբողջականության պաշտպանությանը», – ասել է Սիբիգան։