Դատարանը բավարարել է քննիչի միջնորդություններն ու երկու ամսով կալանավորել երեկ ձերբակալված «Մուլտի գրուպ- կոնցեռնի նախկին տնօրեն Սեդրակ Առուստամյանին ու տնօրեն Արթուր Դալլաքյանին, ԶԼՄ-ներին հայտնել են Քննչական կոմիտեից։
Ըստ Քննչական կոմիտեն տարածած հաղորդագրության` քննում են «Գագիկ Ծառուկյանի և այլ անձանց կողմից առանձնապես խոշոր չափերով՝ 8 մլրդ 126 մլն 946 հազար 460 ՀՀ դրամին համարժեք 21 մլն 72 հազար 827 ԱՄՆ դոլար արժողության գույքերը և դրամական միջոցները խաբեությամբ հափշտակելու և փողերի լվացում կատարելու առերևույթ դեպքերի առթիվ նախաձեռնված քրեական վարույթը»։