«Քաղաքացիական պայմանագիր» խմբակցության պատգամավոր Հայկ Կոնջորյանի կինը՝ «Հայփոստ»-ի գործադիր տնօրեն Շուշան Ալեքսանյանը, արձագանքել է ընկերությունում իր աշխատանքի վերաբերյալ ընդդիմության մեղադրանքներին։
Ալեքսանյանի խոսքով՝ գործադիր տնօրենի պաշտոնում իր պաշտոնավարման ընթացքում «Հայփոստ»-ը պետական բյուջե է վճարել 1 մլրդ դրամ դիվիդենտ, և ընկերությունը 2025 թվականին որևէ վնաս չի կրել՝ ունենալով դրական եկամուտ-ծախս հարաբերակցություն։
Գործադիր տնօրենը նշել է, որ մոտ 500 մլն դրամի բացասական ցուցանիշը պայմանավորված է ամորտիզացիոն ամորտիզացիոն մասհանումներով, ըստ նրա, ինչը բնականոն երևույթ է խոշոր անշարժ գույք և ավտոպարկ ունեցող կազմակերպությունների համար։
Արտաքին աուդիտի զեկույցին հղում անելով՝ Ալեքսանյանն ընդգծել է, որ ամորտիզացիան դրամական արտահոսք չէ, հետևաբար ընկերությունը, առավել ևս պետությունը փաստացի ֆինանսական կորուստներ չեն կրել, և որ իր պաշտոնավարման ընթացքում «Հայփոստ»-ի 2025 թվականի ֆինանսական արդյունքները 2024 թվականի համեմատ բարելավվել են մոտ 900 մլն դրամով։
Մեկնաբանելով իր աշխատավարձի վերաբերյալ քննադատությունները՝ Ալեքսանյանը նշել է, որ իր աշխատավարձը և պարգևավճարները վերջին 10 տարիների ընթացքում ամենացածրն են մյուս տնօրենների հետ համեմատ։ Նա նշել է, որ նախկինւժում նույնիսկ «Հայփոստ»-ի առանձին բաժինների ղեկավարներն էին ստանում ավելի բարձր աշխատավարձ, քան ինքը՝ այսօր։ Միևնույն ժամանակ, նա նշելէ, որ բարձր աշխատավարձ ստանալու մեջ որևէ վատ բան չի տեսնում։
Նա նաև շեշտել է, որ 2024 թվականի իր հայտարարագրում որպես եկամուտ նշված մոտ 5 մլն դրամը մայրության նպաստ է։ Ալեքսանյանը նաև հիշեցրել է, որ ընկերության ղեկավարի պաշտոնը ստանձնել է 2024 թվականի նոյեմբերի 22-ին, ուստի չի կարող պատասխանատու լինել 2024 թվականի թվերի կամ անցյալ որոշումների, մասնավորապես՝ սակագների բարձրացման համար։
Ընդդիմությունն ավելի վաղ շեշտել էր Կոնջորյանի կնոջ բարձր աշխատավարձը՝ ընկերության վատթարացող ֆինանսական ցուցանիշների ֆոնին՝ նշելով հովանավորչության և քաղաքական կոռուպցիայի հնարավոր նշաններ։ «Ուժեղ Հայաստան» խմբակցությունն առաջարկել էր խորհրդարանում ստեղծել առանձին հանձնաժողով՝ պետական ընկերությունների հետ պաշտոնյաների կապերը, դրանց ղեկավարների աշխատավարձերը և նրանց կողմից անցկացվող մրցույթները հետաքննելու համար։
