Ադրբեջանի նախագահի օգնական Հիքմեթ Հաջիևը հայտարարել է, որ Հայաստանի Սահմանադրությունից պետք է հանվի Ադրբեջանի, ինչպես նաև Թուրքիայի նկատմամբ տարածքային պահանջներ նախատեսող հոդվածը։
Թուրքական Haber Global հեռուստաալիքին տված հարցազրույցում նա նշել է, որ ստացված ազդանշանները վկայում են Հայաստանի համար նոր Սահմանադրության մշակման գործընթացի մեկնարկի մասին։
Հաջիևի խոսքով՝ Հայաստանի սահմանադրությունից տարածքային պահանջների վերացումից հետո Ադրբեջանը որևէ խոչընդոտ չի տեսնում վերջնական խաղաղության պայմանագիր կնքելու համար։ Նա նաև ընդգծել է, որ տարածաշրջանում արդեն իսկ հաստատվել է փաստացի խաղաղ իրավիճակ։