Հայաստանին ՀԱՊԿ մարմիններում ձայնի իրավունքից զրկելու որոշումը կպահանջի կոնսենսուս, «ՌԻԱ Նովոստիին» ասել է ՀԱՊԿ-ում Ռուսաստանի մշտական ներկայացուցիչ Վիկտոր Վասիլևը։
«ՀԱՊԿ Հավաքական անվտանգության խորհրդի հաջորդ նիստը կկայանա Մոսկվայում նոյեմբերի 11-ին, և պետությունների ղեկավարները, հավանաբար, կքննարկեն այս հարցը։ Այդ հարցի վերաբերյալ որոշումը, եթե անհրաժեշտ լինի, կկայացվի կոնսենսուսով», – գործակալությանը ասել է Վասիլևը։
Մշտական ներկայացուցիչը ընդգծել է, որ ՀԱՊԿ կանոնադրության 25-րդ հոդվածը վերաբերում է պետության քաղաքացիների կողմից քվոտային պաշտոններ առաջադրելու իրավունքի կասեցման հնարավորությանը, ինչպես նաև Կազմակերպության մարմիններում քվեարկելու իրավունքի կասեցման հնարավորությանը՝ Կազմակերպության բյուջեի նկատմամբ պարտքերը երկու տարվա ընթացքում մարելու պարտավորությունները չկատարելու դեպքում։