Մասաչուսեթսի տեխնոլոգիական ինստիտուտի պրոֆեսոր Արեգ Դանագուլյան գրում է.
«Մի քանի բան ունեմ ասելու ՀՀ բարձր տեխնոլոգիական արդյունաբերության նախարարության մասին։
ԲՏԱ նախարարության հետ շփվել եմ դեռևս 2021 թվականից։ Պետք է ասեմ, որ նախարարության մասին իմ առաջին տպավորությունները շատ մռայլ էին։ Այնպիսի զգացողություն էր, որ բարձր տեխնոլոգիական արդյունաբերության ոլորտն ուղղակի լքված էր։
Հինգ տարի անց ԲՏԱ նախարարությունը դարձել է ՀՀ ամենահաջողված գերատեսչություններից մեկը։ Չեմ սկսի թվարկել այդ հաջողությունների ամբողջ ցանկը, բայց կասեմ ամենակարևորը․ այսօր նախարարությունը համալրված է լավ մտածող, կրթված մասնագետներով, որոնք ամեն օր ցուցաբերում են առաջնորդություն և լցված են իրենց առաքելության ուժեղ զգացումով։
Եկեք մեր երախտագիտությունն արտահայտենք Մխիթար Հայրապետյանին՝ նրա կատարած հիանալի աշխատանքի համար։ Այս ամենը դժվար թե հնարավոր լիներ առանց նրա առաջնորդության և բացառիկ էներգիայի։ Մաղթենք Մխիթարին նոր Էվերեստների նվաճումներ»։